Pwy sy’n rhan ohono a sut caiff y Geoparc ei weinyddu
Beth yw Geoparc?
Mae Geoparc Ewropeaidd yn diriogaeth y mae ei threftadaeth ddaearegol yn arwyddocaol yn Ewrop. Bydd ganddo strategaeth datblygu cynaliadwy a strwythur rheoli cadarn, wedi’i gefnogi gan raglen ariannu Ewropeaidd, er mwyn ei helpu i ddatblygu rhagor.
Mae amrywiaeth o weithgareddau y gellir eu hystyried yn nodweddiadol o Geoparc. Mae’r rhan fwyaf naill ai’n seiliedig ar geodwristiaeth neu addysg, gan gynnwys rhaglenni ysgolion, teithiau cerdded tywysedig ac arddangosfeydd mewn amgueddfeydd. Mae diogelu treftadaeth ddaearegol a gweithgareddau hyrwyddol hefyd yn weithgareddau hanfodol mewn Geoparc. Mae gweithgareddau economaidd gymdeithasol mewn Geoparciau yn bwysig ar gyfer datblygu rhanbarthol cynaliadwy.
Mae Geoparciau’n mabwysiadu ymagwedd gyfannol at eu treftadaeth ac yn hyrwyddo pob agwedd ar dreftadaeth naturiol a diwylliannol eu rhanbarth.
Geoparc y Fforest Fawr
Mae Geoparc y Fforest Fawr yn bartneriaeth rhwng Awdurdod Parc Cenedlaethol Bannau Brycheiniog, Arolwg Daearegol Prydain a Phrifysgol Caerdydd ynghyd â llu o sefydliadau eraill sydd â diddordebau lleol, rhanbarthol neu genedlaethol.
Mae Bwrdd Partneriaeth yn cyfarfod yn flynyddol ac mae Grŵp Rheoli Geoparciau yn cyfarfod yn chwarterol i drafod materion polisi a strategaeth.
Mae’r Bwrdd Partneriaeth wedi ardystio i gweledigaeth ar gyfer datblygu Geoparc y Fforest Fawr yn y dyfodol a gafodd ei datblygu gan y Grŵp Rheoli ynghyd â set o amcanion.